Informazio Turistikoa

Deskubri ezazu Ibardin

Ibardingo mugako merkataritza-gunearen sarreran, turismo-informazio gunea aurkituko dugu. Bera eta Urruñako udalek kudeatzen dute, eta Ibardingo zerbitzu eta natura-erakargarritasunei buruzko informazio turistiko guztia eskaintzen du (zerbitzuak, oinezko pasealekuak eta mendi-ibilbideak), baita Bera eta Urruñako udalerriei buruzkoa ere, Euskal Kostaldeko Mendiko merkataritza-guneaz gehiago gozatzeko.

Ibardingo lepoa, aparteko natura eta paisaia duena, Mendebal Pirinioen hasieran bertan kokatua dago, Bidasoatik muga jarraituz gero aurkitzen den lehendabiziko mendi lepoetako bat da eta.
1993 arte gain honen ezaugarrietako bat aduanak izan arren, lepoaren bi aldekoen arteko harreman sozial, kultural eta merkataritzakoak arrunt historia zaharrekoak dira.
Gaur egun bertako errealitatea osatzen duten eraikinetan lehena 1956an altxatu zen. Bertako historia, paisaiak, ibilbideak eta bista paregabeak ezagutzera gonbidatzen zaituztegu.